Бронхиалды демікпе

Бронхиалды демікпе – бұл мерзімімен пайда болатын демалудың қиындауымен немесе бронхоспазма ақырының буынуымен, шырыштың артығымен бөлінуімен және бронхтардың шырышты қабықшаларының ісінуімен сипатталатын бронхтардың созылмалы қабыну ауру түрі.

Бронхиалды демікпе тұқым қуалаушылыққа бейімделген ауру түріне жатады және ол туыстарының арасында аллергиялық аурумен ауратын науқастары бар балаларда дамиды.

Бүгінгі таңда көптеген балаларда бронхиалды демікпенің басталуы түрлі аллергендердің әсерімен байланысты екені белгілі:

-- Бронхиалды демікпенің пайда болуына біріншіден үй ішіндегі шаң себепкер. Бронхиалды демікпесі бар 70% бала үй шаңына сезімтал болып келеді.

-- Сондай-ақ, бронхиалды демікпенің асқынуына түрлі жануарлардың (мысықтар, иттер, тышқандар және т.б.) жүндері, қайызғақтары себеп болуы мүмкін.

-- Бронхиалды демікпенің айтарлықтай дамуына ауадағы, желдеткіштердегі, сондай-ақ дымқыл, қараңғы орындардағы (жертөлелерде, гараждарда, жуыну және шайыну бөлмелерінде) өңездердің таластығы себепкер болуы мүмкін.

-- Гүлденіп тұрған өсімдіктердің шаңы демікпемен ауыратын балалардың 30 - 40 % пайызында буыну ұстамасының дамуына себепкер болуы мүмкін.

-- Бірқатар балалардың буыну ұстамасы дәрілік препараттарды, яғни, антибиотиктерді, сульфаниламидті препараттарды, витаминдерді, аспириндер мен басқа да дәрілерді пайдалану кезінде орын алады.

-- Вирустық инфекциялар да демікпе ұстамаларына себепкер болады.

-- Сонымен қатар, жоғарыда көрсетілген факторлардан бөлек, балалардың бронхиалды демікпесінің асқынуына физикалық жүк, әсерлі күйзеліс, сыңсу, күлкі, ауа-райының өзгеруі, бояулардың, иістендіргіштердің, парфюмериялық заттардың қатты иісі, сондай-ақ темекі түтіні алып келуі мүмкін.

Бронхиалды демікпе – бұл дамуы генетикалық және ішкі факторлардың әсерімен тығыз байланысты мультифакторлық ауру.